Les mots surlignés font l'objet d'une note
1Monseigneur, je naye vollu falhir vous fère
2entendre comme le cappitaine Bernard, avec sa
3compagnie, ne cest rendu en ce lieu où il vous
4a pleu ordonner leur estappe, et nay peu
5scavoir au vray sil a prins le chemin du
6Bourg quy luy estoyt aussy comode et
7plus brefs, ou sil est encor au lieu demeurez,
8quest la cause que je ne laysse à fère
9tenir prestes les monitions et lougies
10à ce lieu de Vizille, pour les recepvoir et
11trecter suyvant vostre ordonnance, laquelle
12jensuyvrey et hobeyrey de poinct en poinct
13sans avoir esgard aux plainctes infinies
14que je suys contrainct ouyr pour la difference
15que ses troppes treuvent des vivres de
16la Tour et du Pont à ceulx que par
17votre mandement je leur fayes distribuer.
18Monseigneur, je ne fauldrey vous
19tenir adverty de ce qui se passera et
20que je porrey apprendre, comme celluy
21qui desire avoir cest honneur vous rendre
22à jamais toute hobeyssance et fère
23très humble service, priant Dieu
24Monseigneur, vous donner en tout prosperité
25acomplissement de tous vous désirs. De
26Vizille, ce XVIIe julliet 1572
27Votre très humble et très affectionné
28serviteur
29De Buffevant
30Monsieur des Adretz présentement
31m’a asseuré que le cappitaine
32Bernard est au Bourg, quy est
33une grande incomodité et desordre,
34daultant que les vivres qui restent
35en ce lieu nous deffauldrons au Bourg